July 19 Heroes

-       နေမ၀င်သူရဲကောင်းများ  -

 

(၁၉၄၇)-ခုနှစ်၊ ဇူလိုင်လ(၁၉)ရက် ... 

မြန်မာနိုင်ငံရဲ့သမိုင်းမှာ နှမြောတသရင်ထုမနာအဖြစ်ရဆုံး၊ ၀မ်းနည်းစရာအကောင်းဆုံး လူကောင်း၊လူတော်၊ လူမှန်တွေ ဆုံးရှုံးခဲ့ရတဲ့ ကြေကွဲဖွယ်အတိတ်ရက်စွဲတစ်ခု ဖြစ်ခဲ့ပါတယ်။

ဗိုလ်ချုပ်အောင်ဆန်း (၁၉၁၅ - ၁၉၄၇)

ဦးရာဇတ် (၁၈၉၈ - ၁၉၄၇)

သခင်မြ (၁၈၉၇ - ၁၉၄၇)

ဒီးဒုတ်ဦးဘချို (၁၈၉၃ - ၁၉၄၇)

ဦးအုန်းမောင် (၁၉၁၃ - ၁၉၄၇)

မိုင်းပွန်းစော်ဘွားကြီး စ၀်စံထွန်း (၁၉၀၇ - ၁၉၄၇)

ဦးဘ၀င်း (၁၉၀၁ - ၁၉၄၇)

မန်းဘခိုင် (၁၉၀၃ -- ၁၉၄၇)

ရဲဘော်ကိုထွေး (၁၉၂၉ - ၁၉၄၇)

[၁]

ဗိုလ်ချုပ်အောင်ဆန်း မိန့်ခွန်းတွေ တီဗွီက အမှတ်တရပြန်လွှင့်တာ နားထောင်ခဲ့ရတယ်။ ဗိုလ်ချုပ်အသံက မာထန်တယ်။ပြတ်သားတယ်။ စစ်သူကြီးတစ်ယောက်ရဲ့ မာန်အပြည့်။ ဒါပေမယ့် အဲဒီ့အသံမှာ ပျော်ဝင်နေတဲ့စေတနာတရားအကြောင်း အမြော်အမြင်ရှိတဲ့ပြည်သူတိုင်း နားလည်တယ်။ ဗိုလ်ချုပ်လောက် ကိုယ့်နိုင်ငံအကြောင်း၊ ကိုယ့်နိုင်ငံသားတွေအကြောင်းသိတဲ့သူ မရှိပါဘူး။ လွတ်လပ်ရေးရပြီးရင် ပြင်ရမယ့်စိတ်ဓာတ်တွေအကြောင်း မညှာမတာ ခပ်ကြမ်းကြမ်း တဲ့တိုးပြောသွားတယ်။ အဲဒီစကားကြမ်းမှာကို နားဝင်ချိုစရာ စေတနာတွေပါနေတယ်။ လွတ်လပ်ရေးရပြီး ဗိုလ်ချုပ်သာရှိနေသေးရင် နိုင်ငံကိုဘယ်လိုပျိုးထောင်မယ်၊ ဘယ်လိုစည်းစနစ်နဲ့အနာဂတ်မြန်မာနိုင်ငံကို ပုံဖေါ်မယ်ဆိုတာ စိတ်ကူးယဉ်ကြည့်ချင်မိတယ်။

[၂]

"ခေတ်စနစ်ဝါဒ"ဆိုတာ "အင်အားကြီးနိုင်ငံတွေရဲ့ သူနိုင်ကိုယ်နိုင်မြှူဆွယ် အားပြိုင်မှုသက်သက်"ပဲ ။ တကယ်တမ်း အရေးကြီးတာက နိုင်ငံကိုအသက်သွင်းမယ့် ဦးဆောင်မယ့်လူရဲ့ မှန်ကန်တဲ့ခံယူချက်ပါပဲ။ရှေ့ဆောင်လမ်းပြခေါင်းဆောင်က နိုင်ငံကိုချစ်ရမယ်။ ရာထူးအာဏာထက် ပြည်သူကိုချစ်ရမယ် ။ ပြည်သူအကျိုးလိုလားရမယ်။ အမြော်အမြင်ရှိရမယ်။ အတ္တထက် ပရကို ဦးစားပေးတတ်တဲ့ စိတ်ထားရှိရမယ်။

ပြည်သူကို ပြည်သူ့အကျိုးအတွက် စေတနာကောင်းနဲ့ဦးဆောင်နိုင်စွမ်းရှိရမယ်။ အဲဒါမှ ဗိုလ်ချုပ်အောင်ဆန်းလိုပြည်သူက လေးစား၊ ပြည်သူကပြန်ချစ်၊ ပြည်သူကကိုးကွယ်ကြည်ညိုရတဲ့ သူရဲကောင်းဖြစ်လာမယ်။ 

[၃]

နောက်ဆုံး ... အချိန်မှန်- နေရာမှန်- လိုအပ်ချက်အမှန်မှာမှ "လူမှန်"ဆိုတာ ပေါ်ထွက်လာတတ်တာမျိုး ။ အာရှသူရဲကောင်းဗိုလ်ချုပ်ရဲ့ကိုယ်တိုင်ရေးသမိုင်းဟာ ဒါကိုလမ်းညွန်ပြသနေပါတယ်။ လွတ်လပ်ရေးဗိသုကာကြီး၊ တပ်မတော်ရဲ့ဖခင်ကြီး၊ အမျိုးသားစည်းလုံးညီညွတ်မှုရဲ့ ဥသျှောင်ကြီး၊ ပြည်သူလူထုရဲ့ခေါင်းဆောင်ကြီး ဗိုလ်ချုပ်မရှိတော့တဲ့ ဒီ(၆၉)နှစ်အတွင်းမှာ လူရည်လူသွေးညံ့တဲ့၊ စိတ်ဓါတ်ခြစားအကျင့်ပျက်နေတဲ့ ဌာနဆိုင်ရာဝန်ထမ်းတွေနဲ့ လမ်းပေါ်ကစည်းမဲ့ကမ်းမဲ့၊ စည်းပျက်ကမ်းပျက်လူတွေနဲ့ ဖရိုဖရဲပုံစံတွေကိုမြင်ခဲ့ရင် ဗိုလ်ချုပ် အသေဖြောင့်ပါ့မလား။

[၄]

"လွတ်လပ်ခြင်း"ရဲ့အဓိပ္ပါယ်က "စည်းမဲ့ကမ်းမဲ့ပရမ်းပတာဖြစ်ခြင်း"မဟုတ်ဘူး။

"အမျိုးချစ်ခြင်း"အဓိပ္ပါယ်က "အစွဲကြီးခြင်း"မဟုတ်ဘူး။

"သူရဲကောင်း"အဓိပ္ပါယ်က "မိုက်ရူးရဲ"မဟုတ်ဘူး။

"သူရဲကောင်း"အဓိပ္ပါယ်ဟာ "သတ္တိကို မှန်ကန်စွာအသုံးချတတ်ခြင်း" ။

နိုင်ငံရဲ့အရေးကြီးတဲ့ ပြန်လည်တည်ဆောက်ရေးကာလမှာ ဗိုလ်ချုပ်ကို တမ်းတလွမ်းဆွေးမိပါရဲ့။

ရာဇဝင်ထဲကဗိုလ်ချုပ်ဟာ လူပြောသူပြောများအောင် တမင်ကောင်းပြခဲ့တာမဟုတ်ဘူး။

"စစ်မှန်တဲ့ယုံကြည်မျှော်လင့်ချက်"တစ်ခုအတွက် အရာအားလုံးစတေး၊ ကိုယ့်လမ်းကိုယ်ဖေါက်ပြီး သတ္တှိရှိရှိ စွန့်လွှတ်စွန့်စားတဲ့လမ်းပေါ် ကိုယ်ပိုင်အသိနဲ့ ဘာကိုမှမမှုဘဲ ခေါင်းမော့ရင်ကော့လျှောက်ခဲ့ရုံပါ ။

"သူရဲကောင်းစိတ်ဓါတ်အစစ်အမှန်ဟာ ကမ္ဘာမှာ ဘယ်တော့မှ နေမဝင်ဘူး ။"

--------------------------------

ဗိုလ်ချုပ်အောင်ဆန်းနှင့်တကွ ကျဆုံးလေပြီးသော အာဇာနည်ခေါင်းဆောင်ကြီးများအား လေးစားစွာ

ဦးညွတ်ဂါဝရပြုအပ်ပါ၏ ။

"လေပြည်ချမ်းချမ်း" 

July 18th 2016 Monday 3:45 PM.