The Meaning Of Life

The Meaning Of Life 

🍃🍁🍁🍁🍀🍂🍂🍂🍃

တစ်ခါတုန်းက 

အသားကျပြန့်ပြူးချောမွတ်နေတဲ့ စက္ကူဖြူနှစ်ရွက် ရှိတယ်။ 

[1]

💭 ပထမစာရွက် 💭 

ငါက ဖြူလွတယ်။ 

ငါက ငြိမ်းချမ်းတယ်။

ငါ ခေါက်ရိုးကျိုးသွားမှာ ကြောက်တယ်။

ဒီလိုနဲ့ နေရာမှာပဲ မဝံ့မရဲ ငြိမ်သက်လဲလျောင်းနေခဲ့တယ်။

[2]

💭 ဒုတိယစာရွက် 💭

ငါ ပါးလျပ်လျပ်နဲ့ လေတိုက်တိုင်း မလွင့်ချင်ဘူး။

ဟိုရောက် ဒီရောက် အမှိုက်ပုံထဲရောက် လေခေါ်ဆောင်ရာ မလိုက်နိုင်ဘူး။

ငါ လေဟုန်စီးချင်တယ်။ 

ငါ သွားချင်တဲ့နေရာကို ရောက်အောင် သွားချင်တယ်။ 

လေထဲမှာ ပျံသန်းချင်တယ်။

ဒီလိုနဲ့ သူဟာ ကိုယ့်ကိုကိုယ် ခေါက်ရိုးချိုးလိုက်တယ်။

တောင်ပံတွေ တည်ဆောက်လိုက်တယ်။

ခေါက်ရိုးချိုးမိတဲ့နေရာတွေက နာကျင်တာပေါ့။ 

ဒါပေမယ့် အသားကျသွားတော့လည်း 

တောင်ပံတွေရသွားတာ ပျော်စရာ။

[3]

🏃

ခဏကြာတော့ ကလေးငယ်တစ်ယောက် အခန်းထဲရောက်လာတယ်။ စက္ကူလေယာဉ်ပျံလေးကိုတွေ့သွားတယ်။

ဝိုး ... ကလေးငယ်ဟာ သူ့ကို ပျော်ရွှင်စွာ ကောက်ယူပွေ့ချီလိုက်တယ်။ 

ပြီးတော့ ကြမ်းပြင်ကို တဒုန်းဒုန်းမြည်အောင် တစ်ခန်းလုံးလှည့်ပတ်ပြီး စက္ကူယာဉ်ပျံကို လက်ထဲမှာ ပွေ့ကိုင်ဝှေ့ရမ်းရင်း လေယာဉ်ပျံလေးကို စိတ်မှန်းနဲ့ ပျံသန်းကြည့်လို့။

နောက်ဆုံးမှာတော့ ကလေးငယ်ဟာ အခန်းပေါက်ဝက ပြေးထွက်ပြီး သာယာကြည်လင်တဲ့ မိုးကောင်းကင်အောက် စက္ကူလေယာဉ်ပျံကို လေထုထဲ ပစ်ပေါက်လွှတ်တင်လိုက်တယ်။ သူနဲ့အတူ စက္ကူလေယာဉ်ပျံတဖြစ်လဲ စက္ကူဖြူလေးဟာ ပျော်ရွှင်နေပါတယ်။

သိပ်မကြာဘူး။ သူ ... ဖုန်တွေပေတယ်။ သစ်ပင်တွေနဲ့ တိုက်မိတယ်။ အရာဝတ္ထုတွေနဲ့ တိုက်မိတယ်။ နာကျင်တယ်။ ဒါပေမယ့် ကလေးငယ်လက်မှာ အထပ်ထပ်အခါခါ ပျံသန်းရင်း သူ ပျော်ရွှင်နေတယ်။ 

[4]

🐾🐾🐾

အခန်းထဲမှာတော့ 

လေတိုက်လိုက်လို့ ကြမ်းပြင်အောက်လွင့်ကျလာတဲ့ 

ပထမစက္ကူဖြူဟာလည်း မဲညစ်ပေတူးနေပါပြီ။ အဆော့သန်တဲ့ကလေးလေးရဲ့ ခြေရာတွေနဲ့ပေါ့။ 

[5]

🌈🌈🌈

တစ်ခါတုန်းက 

စက္ကူဖြူ နှစ်ရွက်ရှိတယ်တဲ့ ...။

.....................................

.....................................

......................................

`လူ့ဘဝရဲ့အဓိပ္ပါယ်´က ဘာများလဲ?

`သင့်ဘဝရဲ့ အဓိပ္ပါယ်´ကရော ဘာများလဲ?

ပုံပြင်လေးကတော့ ဒါပါပဲ ။ 🍀🍀🍀

#လေပြည်ချမ်းချမ်း

8:15 PM/ March 13rd/ 2017/ Monday.