"ဆည်းဆာဆွတ်တဲ့ ညနေခင်းရဲ့တိမ်"

"ဆည်းဆာဆွတ်တဲ့ ညနေခင်းရဲ့တိမ်"

[1]

​
နေတစ်​စင်း၏​အေးချမ်း​သောအပြုံးကို မြင်​ဖူးပါသလား။

ညို​ရော်​​ရော်​ဝါရီ​သော ခရမ်းနု​ရောင်​​အလင်းဆွတ်​သည့်​မျက်​နှာရိပ်​တစ်​ခုကို “ည​နေရီ”ဟု ​ခေါ်ပါသည်​။ 

စကားစမြည်​​ပြောလာ​သည့်​ အုပ်​စုလိုက်​အိမ်​ပြန်​ချိန်​စက်​ဘီးများ။

ကောင်းကင်​​​ပေါ်က အိပ်​တန်းပြန်​ငှက်​ငယ်​များ။ 

ကျောပိုးအိတ်​ကိုယ်​စီနှင့်​ အဖြူအစိမ်းဝတ်​စုံများ ...။ 

“ည​နေရီ”ဆိုတာ အပြုံးလဲ့လဲ့​လေးလင်းနေတတ်​သည့်​ တံခါးတစ်​ချပ်​။ အဲသည်​နှုတ်​ခမ်းနှစ်​ချပ်​က ​ဆွေးရီစွာ ပြုံးတတ်​လွန်းသည်​။ နှုတ်​ဆက်​စကားများကို မဆို​သေးမီ။

[2]

တစ်​ .. နှစ်​ .. သုံး .. ​လေး .. ငါး … ။

လွန်​ခဲ့​သောလက်​ငါး​ချောင်းစာနှစ်​များအ​ဝေးကတည်းက ည​နေခင်းဟာ သည်​အတိုင်းပဲ။ သတိရခြင်း​တွေ ခပ်​ဖွဖွ​​ရေးခြယ်​ထား​သောဆည်းဆာသည်​ ည​နေခင်း၏ ညှို့ငင်​ဆွဲ​ဆောင်​မှုဖြစ်​ခဲ့၏။ ​ည​နေခင်းတစ်​ခုမှာ ​နွေးလျ​သောအပြုံးများဖြင့်​ တစ်​​ယောက်​မျက်​နှာတစ်​​ယောက်​ ပထမဆုံးအကြိမ်​ နစ်​ဝင်​မတတ်​ စိုက်​ကြည့်​ခဲ့ဖူးသည်​။ ထို့​နောက်​ ​လက်​အိတ်​ကိုယ်​စီစွပ်​ထားသည့်​ လက်​​တွေဖြင့်​ ​ဆောင်းဆည်းဆာကို​နောက်​ခံထား ရယ်​​မောကာ အတူလက်​တွဲ​လမ်းလျှောက်​ခဲ့ဖူးသည်။ ​မိုးစက်​မှုန်​​တွေနှင့်​​နေခြည်​​ရောစပ်​ထား​သော မိုးည​နေခင်းမှာ​တော့ သက်​တန့်​ကြီးကို နှစ်​​ယောက်​သား ထိုင်​​ငေးခဲ့ဖူးသည်​။ ကိုယ်​နဲ့မင်းရဲ့ သက်​တန့်​​ကြီး​ပေါ့။ မိုးကုပ်​စက်​ဝိုင်း အစွန်းနှစ်​ဖက်​ကို သည်​သက်​တန့်​ကြီးက ချိတ်​ဆက်​​ပေးထားသည်​ဟု ကိုယ်​ လှိုက်​လှဲစွာ ယုံကြည်​ခဲ့ဖူးသည်​။ ဘဝမှာ ရှားပါးစွာ မြင်​ခဲ့ရဖူးသည့်​ သက်​တန့်​တိုင်းက ည​နေခင်းတိုင်းမှာသာ ဖြစ်​​လေ​တော့ ... ကိုယ်​သည်​ ည​နေခင်း​တွေကို ချစ်​မြတ်​နိုးသူတစ်​​ယောက်​ ဖြစ်​ခဲ့သည်​။

အိပ်​မက်​မျှားသည့်​ကိရိယာမလိုဘဲ ည​နေခင်းမှာပင်​ အိပ်​မက်​​ကောင်း​ကောင်း​လေးများကို စိတ်​ကူးထဲမှာ မင်းက မက်​​လေ့ရှိ​သည်​။ ည မ​ရောက်​မီ အိပ်​မက်​မက်​ဖို့ပြင်​ဆင်​​လေ့ရှိ​သောမင်းကို ညမှာ​တောင်​အိပ်​မက်​မက်​​လေ့မရှိ​သောကိုယ်​က ​လှောင်​ရယ်​ခဲ့ပြီးသည့်​​နောက်​ပိုင်း​ အဲသည်​အိပ်​မက်​​တွေအ​ကြောင်းကို မင်းဘယ်​​တော့မှ ကိုယ့်​ကို အသိမ​ပေးတတ်​ခဲ့။ မင်းကြိုက်​​သော နှုတ်​ခမ်းဆိုး​ဆေးရဲရဲများ၊ လိုင်​နာခပ်​ထူထူများ နှင့်​ ​ခေတ်​​ရှေ့​ပြေးသည့်​ အဝတ်​အစားဆန်းများအ​ကြောင်း ကိုယ်​မသိခဲ့ပါ။

ကိုယ်​သိခဲ့သည်​က မင်း၏ အမြဲ​လှိုက်​လှဲ​ကွေးညွတ်​​သော အပြုံးလန်းလန်းဆန်းဆန်းများ၊ ကာတွန်းရုပ်​က​လေးလို ချစ်​စဖွယ်​ နှုတ်​ခမ်းက​လေး၏ စကား​ပြောသံများ၊ ရည်​မွန်​နှစ်​လိုဖွယ်​​ကောင်းသည့်​ကိုယ်​ဟန်​နှင့်​ သန့်​ပြန့်​ခန့်​ညား​သေသပ်​စွာ ဝတ်​စားဆင်​ယင်​တတ်​မှုများ ၊ ရှည်​လျားမြင့်​မား​သောအရပ်​ကြီးနှင့်​ ကိုယ့်​ကို က​လေးတစ်​​ယောက်​လို အုပ်​မ်ိုးကြည့်​တတ်​သည့်​ လူငယ်​​လေးတစ်​​ယောက်​၏ အကြင်​နာမျက်​ဝန်းများ... ။

ကိုယ်​ ရင်​သိမ့်​ခုန်​​နွေး​စွာ ​နောက်​တစ်​​နေ့လုံးပြုံး​နေ​အောင်​ တစ်​ညက ဖုန်းထဲက​မင်းဆိုပြသည့်​ သီချင်းက James Blunt ၏ You're Beautiful ။ ကိုယ့်အတွက်​ James Blunt ၏ အသံထက်​ မင်း၏အသံက လူကြီးလူ​ကောင်းပိုဆန်​ကာ သြရှချိုကြည်​စွာပို၍နား​ထောင်​​ကောင်းခဲ့သည်​။

ညစဉ်​ညတိုင်း ​ပေါ့ပ်​သီချင်းချိုချို​လေး​တွေကို ဂွတ်​နိုက်​​ဆောင်းဟု ကိုယ့်​အတွက်​သီးသန့်​ဆိုပြတတ်​​သော မင်းကို ကိုယ်​တစထက်​တစ ငြိတွယ်​မက်​​မောလာခဲ့သည်​။ အလုပ်​အားရက်​ စ​နေ တနင်္ဂ​နွေတစ်​​နေ့​ ​ကော်​ဖီဆိုင်​​လေးတစ်​ဆိုင်​ဆိုင်​မှာ အမြဲ​တွေ့ဖြစ်​တိုင်း သီချင်းအယ်​လ်​ဘမ်​အသစ်​​တွေအ​ကြောင်း၊ ​ဘေလ်​ဘုတ်​သီချင်း​တွေအ​ကြောင်း ခရား​ရေလွှတ်​ တတွတ်​တွတ်​​ပြောတတ်​​သော မင်းဆီက ကိုယ်​စိတ်​ပါလက်​ပါ နား​ထောင်​တတ်​ခဲ့သည်​။ အိမ်​အပြန်​လမ်းမှာ ကိုယ့်​လက်​​တွေကို မလွှတ်​တမ်းဆုပ်​ကိုင်​ထားတတ်​​သော လက်တွေ၏ ခပ်​ဖွဖွနူးညံ့​သောအထိအ​တွေ့က ကိုယ့်​ကို လုံခြုံ​စေသည်​။ ​ပျော်​ရွှင်​​စေသည်​။  ကမ္ဘာမြေပေါ်မှာ ‘ကံအ​ကောင်းဆုံးလူသားတစ်​​ယောက်’​ဟု ဘဝင်​မြင့်​​စေသည်​။ ​ခေါင်းမတ်​မတ်​ထားလမ်း​လျှောက်​တတ်​သည့်​မင်း၏ ​တောက်​ပနက်​​မှောင်​​သော မျက်​ဝန်းချိုရီရီကို ခိုးခိုးကြည့်​တတ်​​သော ကိုယ့်​ကို မင်း မသိချင်​​ယောင်​​ဆောင်​ထားရာမှ အလစ်​အငိုက်​ဖမ်းလျှင်​​တော့ ကိုယ့်​မျက်​နှာရဲသွားတတ်​သည်​။ အဲသည်​​တော့ ကိုယ်​က ​ခေါင်းကိုဇွတ်​ငုံ့ပစ်​သည်​။ တွင်​တွင်​ငုံ့ထား​သောမျက်​နှာကို ဘယ်​လိုမှ ​မော့ခိုင်းလို့မရသည့်​အခါ မင်းက ​ခေါင်း​မော့ရယ်​​မောရင်း ကိုယ့်​​ခေါင်းကို မင်းရင်​ခွင်​ထဲ ဆွဲသွင်းတတ်​သည်​။

ကိုယ့်​ဆံနွယ်​များကြားထဲ မင်း၏ ဝင်​သက်​ ထွက်​သက်​​တွေ အတန်​ကြာ အုပ်​မိုး​နေခဲ့ဖူး​သော အခိုက်​အတန့်​​လေးများစွာကို ကိုယ်​ နင့်​သီးစွာ လွမ်းပါသည်​။ တိမ်​​လေးတစ်​စလို မင်းရင်​ခွင်​ထဲ​ခေါင်းဝှက်​ကာ လွင့်​​မျောခဲ့ဖူး​သော ည​နေခင်းတိုင်းသည်​ အလှပဆုံးစိတ်​ကူးတိုင်းထက်​ ပိုလှပ၍ အခမ်းနားဆုံးအိပ်​မက်​တိုင်းထက်​လည်းပို၍ အိပ်​မက်​ဆန်​သည်​။ ​နေဝင်​ချိန်​ အိမ်​ပြန်​လမ်းထက်​ကိုယ်​တို့​ခြေရာ​တွေကို ​ကောင်းကင်​မှာဖြတ်​​ပြေးသွားသည့်​တိမ်​​တွေက ​ရေတွက်​ဖူးကြပါလိမ့်​မည်​။ ကိုယ်​က​တော့ ထာဝရဟု ယုံကြည်​စွဲထင်​ခဲ့သူမို့ ကိုယ်​တို့ဆုံ​နေကျ ည​နေခင်း ဘယ်​နှခုရှိသလဲ ဘယ်​​တော့မှ မ​ရေတွက်​ခဲ့ဖူးပါ။ ​ရေ​တွက်​မယ့်​​ရေတွက်​ခဲ့​တော့လည်း ကျိုးပျက်​ခဲ့သည့်​အမှတ်​တရ​တွေကို ပြန်​​ကောက်​ကြည့်​ရသလိုမျိုး နာကျင်​​ကြေကွဲဖွယ်​အတိပါလားကွယ်​။

ဒင်​နာပွဲ၊ ပါတီပွဲ ၊ နှစ်​ပတ်​လည်​ပွဲ ကုမ္ပဏီတံဆိပ်​ကပ်​ပြီး ကိုယ်​တို့ဆုံ​နေကျည​နေခင်းက​လေးကို မင်း အချိန်​ဇယားမှ ထုတ်​ပယ်​ခံလိုက်​ရသည့်​အခါ​တွေ ခပ်​စိပ်​စိပ်​များလာသည့်​တိုင်​ ကိုယ့်​ဘက်​က​တော့ မပျက်​ကွက်​ခဲ့ပါ။ ထိုင်​​နေကျ​ကော်​ဖီဆိုင်​က​လေးက ထိုင်​​နေကျ​နေရာမှာ ကိုယ့်​တစ်​​ယောက်​တည်း။ အက်​ပရက်​စ်​ဆိုခါးခါး​သောက်​ရင်း တစ်​​ယောက်​တည်းနာကျင်​ပူ​လောင်​ခါးသီး​နေဆဲ။ ကိုယ့်​​​နံဘေးမှာ ဘယ်​သူမှ မရှိပါ။ မင်း​ဘေးမှာ​တော့ Instagramထဲက ငါးခူပြုံးနှင့်​ နှုတ်​ခမ်းဆိုး​ဆေးရဲရဲ​ကောင်​မ​လေးတစ်​​ယောက်​များရှိနေမလား။ In a relationship with ဟု ထို​ကောင်​မ​လေးနှင့်​ မင်းရဲ့ Status ကို မမြင်​ရ​သေးခင်​ကပင်​ ​ရှေ့သွား​နောက်​လိုက်​ ညီသားပဲဟု နာကျင်​အက်​ကွဲစွာ ကိုယ်​ခန့်​မှန်းကြည့်​ခဲ့ဖူးပြီးသားပါ။ တကယ်​တမ်းအ​ဖြေထွက်​လာ​တော့ ကိုယ်​ မအံ့သြ​တော့ပြီ။ ​ဖြေရှင်းချက်​လည်း မ​တောင်းခံခဲ့သည့်​ကိုယ့်​ကို မင်းအံ့သြ​နေမည်​ဆိုတာ ကိုယ်​ သိပြီးသားပါကွယ်​။ တကယ်​ဆို ဘာ​ဖြေရှင်းစရာလို​တော့လို့လဲ။

မလိုပါ သွားပါကွယ်​။ ကိုယ့်​ကို မနှစ်​သက်​​တော့တဲ့လူတစ်​​ယောက်​ကို ဘာ​ကြောင့်​များ ဆွဲထားစရာလိုမလဲ။ နှလုံးသားရဲ့ ဆုံးဖြတ်​ချက်​ဆိုတာ ဘယ်​​တော့မှ အယူခံဝင်​စရာ မလိုတဲ့အရာ။ ကိုယ်​ ပြတ်​သားခဲ့သည်​။ ကိုယ့်​အ​ပြောကို မင်း ပြန်​ကြား​တော့ မင်း ကိုယ့်​ဆီဖုန်းဆက်​ခဲ့သည်​။ `ညီ​စေမင်း ကိုပဲ ​ရွေးချယ်​လိုက်​ပါ ... ´အမိန့်​သံဆန်​တဲ့အ​ပြောမှာ ကိုယ်​ မင်းကို မုန်းသွားခဲ့သည်​။

[3]

ကိုယ်​ အလွတ်​ရမှတ်​မိ​နေ​သော နာမည်​ဆန်းတစ်​ခု၊ ပို့စ်​စကတ်​ဒ်​လှလှ​လေးများ၊ နှင်းဆီပွင့်​က​လေးများ တစ်​​နေ့ပြီးတစ်​​နေ့အ​ရောင်​မထပ်​ရ​အောင်​ ခြံ​ရှေ့က စာတိုက်​ပုံးက​လေးထဲ ​ရောက်​​နေတတ်​​သော မနက်​ခင်းများ။ Juno သို့ ... ညီ​စေမင်း တဲ့။ ပို့စကတ်​ဒ်​​အောက်​​ခြေမှာ အမြဲ​ရေးထိုးထား​လေ့ရှိသော စာ​ကြောင်းကိုမြင်​လျှင်​ ကိုယ်​ ပြုံးမိကာ အလိုမကျမိမြဲဖြစ်​သည်​။

နာမည်​အစစ်​လား .. ကိုယ့်​ကို ​နောက်​တာလား။ ဘယ်​နှယ့်​​တော်​ ကိုယ်​ သိတောင်​ မသိသည့်​ လူတစ်​​ယောက်​နှင့်​ ခံစားချက်​ချင်းညီ​စေဖို့ ဆိုတာ အ​တော်​ဂွကျတဲ့ ကိစ္စမဟုတ်​လား။

လ​ပေါင်းအတန်​ကြာ မပျက်​မကွက်​ ​ရောက်​​နေတတ်​​သော ပို့စကတ်​ဒ်​နှင့်​ နှင်းဆီ၏ ပိုင်​ရှင်​ကို တစ်​​နေ့မှာ ကိုယ်​ သိခွင့်​ရခဲ့သည်​။ မျက်​မှန်​ခပ်​ထူထူနှင့်​ ရပ်​ပ်​ပါဒီဇိုင်း​ကောင်​က​လေးတစ်​​ယောက်​ မနက်​ခင်း ငါးနာရီ​ခွဲလောက်​မှာ စာတိုက်​ပုံးနားသို့ တ​ရွေ့​ရွေ့ချဉ်းကပ်​လာတာ မြင်​ရသည်​။ အ​ပေါ်ထပ်​ဝရံတာက​နေ ကိုယ်​ လျင်​လျင်​မြန်​မြန်​​ပြေးဆင်းကာ ခြံတံခါးကို ဖွင့်​သည်​။

`ဟိတ်​ ဒီမှာ  ဘာလာလုပ်​တာလဲ။´

ထိုပုဂ္ဂိုလ်​က ရုတ်​တရက်​ ​ကြောင်​အမ်း​နေသည်​။

`ဘယ်​သူက လာပို့ခိုင်းလိုက်​တာလဲ ။´

ထိုပုဂ္ဂိုလ်​က နှုတ်​ပိတ်​တိတ်​ဆိတ်​စွာ ပြန်​မ​ဖြေဘဲ ကိုယ့်​ကို အ​နေခက်​စွာ စိုက်​ကြည့်​​နေသည်​။

`ဒါနဲ့ ပို့စကတ်​ဒ်​က ဒိတ်​​အောက်​​နေပြီ။ ပန်း​တွေက တစ်​နာရီ နှစ်​နာရီ​လောက်​ စာတိုက်​ပုံးထဲ အ​လှောင်​ခံထားရရင်​ မလန်း​တော့ဘူး။´

`ဟင်​´

`ဟိုမှာ ​မတွေ့ဘူးလား။ ခြံထဲမှာ နှင်းဆီပန်း​တွေပြည့်​လို့။´

ကိုယ်​ အိမ်​ထဲပြန်​ဝင်​သွားချိန်​မှာ ထိုပုဂ္ဂိုလ်​ စာတိုက်​ပုံးနားမှာ ရပ်​လျက်​သာ ကျန်​ခဲ့သည်​။ အံ့သြဖွယ်​​ကောင်းစွာ ​နောက်​​နေ့​ကစ စာတိုက်​ပုံးထဲ ဘာပန်း ဘာပို့စကတ်​ဒ်​မှ ​ရောက်​မလာ​တော့ပါ။ သို့​သော်​ ရံဖန်​ရံခါ ည​နေခင်း​တွေမှာ အိမ်​​ရှေ့လမ်းက​လေးမှာ ၊ သို့မဟုတ်​ ကိုယ်​ အမြဲ​သောက်​​နေကျ ​ကော်​ဖီဆိုင်​မှာ၊ ဒါမှမဟုတ်​ ​သင်​တန်းပတ်​ဝန်းကျင်​မှာ ဖျပ်​ခနဲ ဖျပ်​ခနဲ ​ငေးရီ​သော မျက်​ဝန်းများဖြင့်​ ထိုပုဂ္ဂိလ်​ကို အမြဲ​တွေ့ရတတ်​မြဲ။

တစ်​ည​နေခင်းမှာ​တော့ ...

ကော်​ဖီဆ်ိုင်​က​လေးထဲ ထုံးစံအတိုင်း တစ်​​ယောက်​တည်းထိုင်​ရင်း ကက်​ပချီနိုတစ်​ခွက်​၊ အာလူးအစပ်​​ကြော်​တစ်​ပွဲ ဟမ်​ဘာဂါတစ်​ပွဲဖြင့်​ ဖွင့်​ထားသည့်​ သီချင်း​တွေ ​အေး​အေး​ဆေး​ဆေး ထိုင်​နား​ထောင်​​နေမိ၏။ ဟမ်​ဘာဂါကို ပထမ၊ ​ပေးထားသည့်​ ဓား၊ ခက်​ရင်းနှင့်​ စားမည်​လုပ်​ပြီးမှ ပြန်​ချထားလိုက်​သည်​။ ဗိုက်​က​အ​တော်​ဆာ​နေတာမို့ လက်​နဲ့ပဲ ခပ်​မြန်​မြန်​စားဖို့ ဆုံးဖြတ်​လိုက်​သည်​။ သုံးလေးလက်​မထုထည်​ကို လက်​နှစ်​ဖက်​ဖြင့်​ မကိုင်​ကာ အားရပါးရပထမတစ်​ကိုက်​ ကိုက်​မိချိန်​မှာ ​နောက်​ဖက်​ဝိုင်းမှ ​​လှောင်​ရယ်​သံ​တွေ အကျယ်​ကြီးထွက်​လာသည်​။ ပလုတ်​ပ​လောင်းဖြင့်​ပင်​ စိတ်​တိုစွာ ​နောက်​ဖက်​ကို လှည့်​ကြည့်​မိ​တော့ လူငယ်​ဝိုင်းတစ်​ဝိုင်း။ ကိုယ့်​ကို ဘယ်​အချိန်​ကတည်းက ​စောင့်​ကြည့်​​နေမှန်းမသိ​ချေ။  င​လောင်​​တွေမျက်​နှာကို​ဒေါသဖြင့်​ လိုက်​ကြည့်​မိစဉ်​မှာ ကိုယ့်​ကိုကြည့်​ရင်း အရယ်​အ​မောမပျက်​​သော ညီ​စေမင်းဟူသည့်​ ပုဂ္ဂိုလ်​ကို ​တွေ့လိုက်​ရသည်​။ ကိုယ်​ မျက်​​စောင်းထိုးကာြေ​ခဆောင့်​ချပစ်​ရင်း င​လောင်​​ကောင်​​တွေကို စိန်​​ခေါ်ကြည့်​ဖြင့်​ ကြည့်​မိသည်​။ အလကား က​လေက​ချေ အမှိုက်​ထုပ်​​တွေ။

ကိုယ်​ ​ကော်​ဖီကို ​မော့​သောက်​​နေတုန်းမှာ ကိုယ့်​ဝိုင်းသို့ ထိုပုဂ္ဂိုလ်​​ရောက်​လာသည်​။ မ​မျှော်​လင့်​​သော​ကြောင့်​ ကိုယ်​ ​ကော်​ဖီ​တွေ သီးကုန်​သည်​။

`ဟာ ... ဂျူနို ... ဂျူနို ...´

ထိုပုဂ္ဂိုလ်​က ​ရေတစ်​ခွက်​ငှဲ့ကာ ကိုယ့်​ကို ကမ်း​ပေးသည်​။ ကိုယ်​ စိတ်​တိုတိုရှက်​ရှက်​ဖြင့်​ သူ့ရင်​ဘတ်​ဆီသို့ အဲသည်​​ရေ​တွေဖြင့်​ ပက်​ပစ်​လိုက်​သည်​။

`အား´ဟု အကျယ်​ကြီး​အော်​ကာ သူ ​နောက်​သို့ ခုန်​ဆုတ်​သွားသည်​။ ကံဆိုးချင်​​တော့ သူ့ရင်​ဘတ်​မှာ အ​တော်​ရွှဲစိုသွား​သော ​ရေက ​ရေပူ​တွေဖြစ်​​နေသည်​။ နာကျင်​ထိတ်​လန့်​စွာ ကိုယ့်​ကိုလှမ်းကြည့်​​သော မျက်​ဝန်း​တွေကို ကိုယ်ထိတ်​လန့်​စွာ၊ ပြီး​တော့​ မုန်းတီးစွာ စိုက်​ကြည့်​ရင်း ​နေရာမှ ထလိုက်​မိသည်​။

`ညီ​စေမင်း ... ငါ့​ကို လာလာ မ​နှောင့်​ယှက်​စမ်းနဲ့။ နင့်​ကို မြင်​နေရတာ စိတ်​ဒုက္ခ​ရောက်​တယ်​။´

ကိုယ်​ စိတ်​တိုတိုဖြင့်​ ​ကျောပိုးအိတ်​အ​သေး​လေးကိုလွယ်​ကာ ပိုက်​ဆံအိတ်​ကို လက်​မှာကိုင်​ပြီး ဆိုင်​ထဲမှ ထွက်​လာခဲ့သည်​။ ထို​နောက်​ပိုင်း ​ကော်​ဖီဆိုင်​မှာ​ရော၊ ရပ်​ကွက်​ထဲမှာ​ရော၊ ကိုယ်​တို့အိမ်​​ရှေ့လမ်းက​လေးမှာ​ရော သူ့ကို လုံးဝ မ​တွေ့ရ​တော့။

တစ်​ည​နေ ... ​ကော်​ဖီဆိုင်​က​လေးကို​ရောက်​​တော့ စားပွဲထိုး​ကောင်​​လေးက သီချင်း​တွေ​ပြောင်းဖွင့်​​နေတာ ​တွေ့ရသည်​။

`​ဇေယျာ ... အင်္ဂလိပ်​သီချင်း​လေး​တွေလည်း ဖွင့်​ပါဦး။´

ဇေယျာက EVD စက်​ကို ဒီအတိုင်း ​ခွေမထည့်​​သေးဘဲထားကာ ကိုယ့်​ဆီ ခပ်​သွက်​သွက်​​လျှောက်​လာသည်​။

`မမ ... ကြိုက်​တဲ့သီချင်း​တွေက ဒီမှာ မရှိဘူး။´

`ဟဲ့ မဟုတ်​ဘဲနဲ့အရင်​က​ ဖွင့်​ထားတာပဲဟာ´

`ဟို အဲဒါက​လေ .. ဟို အစ်​ကို .. မမ ​ရေ​နွေးနဲ့ပက်​လိုက်​တဲ့အစ်​ကို သူ ယူယူလာပြီး မမ​ရောက်​ရင်​ ဖွင့်​​ပေးခိုင်းထားတာ။ အခု အဲဒီအစ်​ကို မ​ရောက်​လာတာ ကြာပြီ။ မမက ရက်​စက်​တာကို။´

“ဇေယျာ နင်​ Tip  ရတိုင်း ​လျှောက်​လုပ်​​နေတယ်​​ပေါ့။ သူတို့တစ်​ဖွဲ့ကြီး ငါ့ကို ဝိုင်း​လှောင်​​နေတာ နင်​ မြင်​တယ်​မဟုတ်​လား။ သူ့ကို မကြိုက်​တာနဲ့ အဲဒီလို အုပ်​စုနဲ့ဝိုင်း​လှောင်​တတ်​တာ လမ်းသရဲအကျင့်​ဟ မှတ်​ထား ​။

`ဒါ​ပေမယ့်​ မမ ​ကော်​ဖီသီးသွား​တော့ သူစိုးရိမ်​တကြီး​ရောက်​လာတာကို  ​ရေ​နွေးနဲ့ပက်​တာ​တော့ မ​ကောင်းဘူး​ပေါ့။´

`ငါ ​ရေ​နွေးမှန်း သတိမထားမိဘူးဟဲ့။ ​ဒေါသထွက်​​နေတာပဲ အဲသည်​တုန်းက သိလိုက်​တယ်​။ ​အေး​လေ ... အခု​တော့ ငါ နား​အေးပါး​အေးနဲ့ အ​နှောင့်​အယှက်​ကင်းသွားတာပဲ ဝမ်းသာတယ်​။ ​နောက်​​နေ့​ သီချင်း​ခွေ​တွေ ငါ ယူလာခဲ့မယ်​။´

ကိုယ့်​အာရုံထဲ ငြိတွယ်​ခြင်းမရှိခဲ့​သော ရစ်​ပတ်​လာသည့်​ကြိုး​လေးတစ်​​ချောင်းကို ကိုယ်​ လွယ်​လွယ်​ကူကူပဲ ​မေ့​လျော့ခဲ့သည်​။ ကမ္ဘာကြီးကလည်​​နေတာလား။  ပြက္ခဒိန်​စာရွက်​​တွေက​တော့ နာကျင်​မှုရက်​စွဲ​တွေ ကိုယ့်​ဆီ တ​ကျော့ပြန်​လာ​ရောက်​​ရေးထွင်း​နေ​ချေပြီ။

[4]

`ညီ​စေမင်း! ... ညီ​စေမင်း!

မင်းသူ့ကို သိ​နေတယ်​ ဟုတ်​လား ။´

`ဂျူနို ... ကိုယ်​ ​တောင်းပန်​ပါတယ်​။ ကိုယ်​နဲ့ ညီ​စေက အချစ်​ဆုံးသူငယ်​ချင်း​တွေပါ။ ကိုယ်​တို့ အ​လောင်းအစားလုပ်​ခဲ့တယ်​။ ဂျူနိုကို ဟိုအရင်​ကတည်းက ကိုယ်​ သိ​နေခဲ့တယ်​။ ညီ​စေ ​တဖွဖွ​ပြောလွန်းလို့ပါ။ သူ စွဲလမ်း​နေတဲ့​ကောင်​မ​လေးကို ဘယ်​​ကောင်​​လေးမှ လိုက်​လို့မရ​သေးဘူး။ မာနသိပ်​ကြီးတယ်​တဲ့။ သူ့ကိုလည်း ဂရုမစိုက်​လို့ စိတ်​ညစ်​​နေတယ်​တဲ့။ ဒီ​လောက်​ရည်​မွန်​ပြီး ဘယ်​​ကောင်​မ​လေးမှ မကြိုက်​ဖူးတဲ့ ညီ​စေလိုလူမျိုးကို ငြင်းတဲ့ ဂျူနိုကို ကိုယ်​ သိပ်​စိတ်​ဝင်​စားသွားတယ်​။ မခံချင်​လည်းဖြစ်​သွားတယ်​။ တကယ်​​တော့ အဲဒီညက ကိုယ်​တို့ သူငယ်​ချင်းတစ်​သိုက်​ဆုံတုန်း ဝိုင်းက​လေးနဲ့ ​ထွေ​နေခဲ့တာ​ပေါ့။ တစ်​​ယောက်​ကိုတစ်​​ယောက်​ မခံချင်​​အောင်​ စရင်း ​နောက်​ရင်းနဲ့ ကိုယ်​တို့အ​လောင်းအစားက သူငယ်​ချင်း​တွေ အားလုံး​ရှေ့မှာ အတည်​ဖြစ်​သွားခဲ့တယ်​။

ဟိုတ​လောက ကိုယ့်​ကို ညီ​စေက ဆွဲထိုးခဲ့တယ်​။ မင်းနိုင်​ပါတယ်​ကွာ။ ရပ်​တန်းက ရပ်​ပါ​တော့လို့ သူ ​တောင်းဆိုခဲ့တယ်​။ သူ သိပ်​ခံစား​နေရတယ်​ ဂျူနို။ စန္ဒီက ဟိုအရင်​ ဂျူနိုဆီ ကိုယ်​မ​ရောက်​ခင်​ကတည်းက ကိုယ့်​ကို အ​ဖြေ​ပေးပြီးသားပါ။ ဂျူနိုကို ကိုယ်​ Request လုပ်​ပါတယ်​။ ညီ​စေကို စာနာ​ပေးပါလို့ ။´

`​သြော် ...​သြော ဒီလိုလား သဒ္ဒါ။ လှည့်​စားတယ်​ဆိုတာ ဒါမျိုးလား။ ​ယောက်ျားမာယာဆိုတာ တကယ်​ ​ကြောက်​ဖို့​ကောင်းပါလား ဟင်​။´

ကိုယ့်​လက်​ဖဝါးတစ်​ဖက်​က မင်းပါးပြင်​ထက်​ဆီ အရှိန်​နှင့်​ လွင့်​ဝဲကျသွားသည်​။ သို့​သော်​ လမ်းခုလတ်​မှာ ကိုယ့်​လက်​​ကို မင်းက ဆွဲဖမ်းထားသည်​။ ကိုယ့်​ပါးပြင်​ထက်​မှာ​ မျက်​ရည်​မြစ်​နှစ်​စင်းက အရှိန်​ပြင်းပြင်း စီးဆင်းလာသည်​။ နှလုံးသားက်ို ကစားစရာမှတ်​​နေကြတယ်​​ပေါ့။

`မင်း ကိုယ့်​ကို​တော့ ဘာ​မှ အမိန့်​​လာမ​ပေးနဲ့ သဒ္ဒါ ။ မင်းတို့​တွေ သိပ်​​ကြောက်​စရာ​ကောင်းတာပဲ။´

ကိုယ်​ မင်းကို ​ကျောခိုင်းလိုက်​သည်​။ ကိုယ်​ ထွက်​ခွာသွား​တော့မလို့ ပြင်​ဆဲ နှုတ်​ခမ်းပါး​တွေက ထိန်းမရစွာ ​နောက်​ဆုံးမေးခွန်းက်ို အံကြိတ်​​မေးလိုက်​မိသည်​။

`မင်း ...  ကိုယ့်​ကို နည်းနည်း​လေး​တောင်​မှ မချစ်​ခဲ့ဘူးလား။ ဒီတစ်​ခုပဲ  ​ဖြေပါ။´

မင်း ... အကြာကြီး တိတ်​ဆိတ်​​နေသည်​။ ကိုယ့်​​နောက်​​ကျောဘက်​မှ ကိုယ်​ အလွတ်​ရ​နေ​သော မင်း၏ အသက်​ရှုသံကို နာကျင်​ဖွယ်​ကြား​နေရသည်​။ ကိုယ်​ ​စောင့်​စားရင်း ​ခေါင်းတဒိတ်​ဒိတ်​ကိုက်​လာသည်​။ အတန်​ကြာသည်​ထိ မင်းက တိတ်​ဆိတ်​​နေသည်​။ သည်းမခံနိုင်​သည့်​အဆုံး… ကိုယ်​ ရုတ်​တရက်​​ပေါက်​ကွဲသွား​တော့သည်​။

`မင်းက လှည့်​စားတတ်​တဲ့ ခပ်​ညံ့ညံ့​ယောက်ျားတစ်​​ယောက်​လားလို့ ကိုယ်​ ​မေး​နေတာ သဒ္ဒါ။ တစ်​ခုခု​တော့ ​ဖြေရမယ်​။ အ​ဖြေမှန်​က​တော့ ရှိ​နေရမယ်​။ ဘယ်​လို အ​ဖြေပဲဖြစ်​ဖြစ်​ ကိုယ်​ အမှန်​တရားကိုပဲ သိချင်​တာ။ ဒီတစ်​ခု​တော့ ​နောက်​ဆုံးအ​နေနဲ့ ကိုယ့်​ကို ရိုးရိုးသားသားဖြေ​ပေးခဲ့မှဖြစ်​မယ်​။´

ည​နေခင်းနှင့်​အပြိုင်​ အက်​ကွဲနီ​မောင်း​နေ​သော မင်းမျက်​ဝန်းမှာ နာကျင်​မှု​တွေသီး​နေတာကို ကိုယ်​ တအံ့တသြမြင်​​နေရသည့်​အခါ …။ အရာအားလုံးကို ကိုယ်​ ဆွဲရမ်း​ချေမွချင်​သွားသည်​။ အရူးတစ်​​ယောက်​လို ထိန်းချုပ်​နိုင်​စွမ်းမရှိဘဲ မင်း မျက်​ဝန်း​တွေနှင့်​ အနီးဆုံးအထိ ကိုယ်​ ​ရွေ့လျားသွားမိသည်​။

`​ဖြေ​လေ သဒ္ဒါ။ ​ဖြေလိုက်​စမ်းပါ ။´

အိုး ... မင်း​ခေါင်းယမ်းသည်​။ ပြီး​တော့ မင်းမျက်​ဝန်းမှာ မျက်​ရည်​​တွေ။ ​ကိုယ်​ ဆတ်​ခနဲ တုန်​လှုပ်​သွားသည်​။ ​ယောက်ျားတစ်​​ယောက်​ရဲ့ မျက်​ရည်​​တွေ။ အထူးသဖြင့်​ လှည့်​စားတတ်​​သော       ယောက်ျား တစ်​​ယောက်​၏ မျက်​ရည်​​တွေ။ ကိုယ်​ နုညက်​ပြင်းထန်​​သော ​ကြေကွဲမှုမှ ရုန်းထွက်​လိုက်​သည်​။

`တစ်​သက်​လုံး ကိုယ်​ မ​ကြေဘူး သဒ္ဒါ။  ကိုယ်​ မှတ်​ထားပါ့မယ်​။ နောက်​ဆုံးအချိန်​ထိ​တောင် ​မင်း ကိုယ့်​ကို အနိုင်​ယူထားခဲ့တယ်​။´

နောက်​ဆုံးည​နေခင်းတစ်​ခုပါ။ ဖိနပ်​တစ်​ရံဟာ တစ်​ဖက်​စီကွဲသွားသည့်​အခါ ဘယ်​လိုခရီးကိုများ တစ်​ဖက်​စီဆက်​​လျှောက်​လို့ ရဦးမှာလဲ။ ​ကောင်းကင်​ တစ်​ပြင်​လုံးမှာ ဆည်းဆာအသည်းကွဲ​ရောင်​​တွေ ရင့်​တက်​လာသည်​။ ​ကောင်းကင်​ပြာ၏ ငြိမ်းချမ်းမှုကို ​နေဝင်​ဆည်းဆာမှာ ကိုယ်​ ဘယ်​လိုမှ ရှာလို့မ​တွေ့ပါ။ တိမ်​တစ်​အုပ်​က ​ကောင်းကင်​အပျက်​ကို စူးစမ်းရင်း ​လေနှင်​ရာ လွင့်​​မျောသွားသည်​။ အဲသည်​တိမ်​က​လေးတွေလိုပဲ ကိုယ်​ လွင့်​​မျောသွား​တော့မယ်​ သဒ္ဒါ။ ဟိုးအနာဂတ်​နှစ်​​ပေါင်းများစွာ အ​ဝေးဆီကို​ပေါ့။

[5]

ခေါင်းငိုက်​စိုက်​ကျန်​​နေခဲ့​သော လူတစ်​​ယောက်​နှင့်​ ... အတူ၊

`ဂျူနို ... ဂျူနို ... ´

သစ်​ပင်​​နောက်​ကွယ်​မှ အသံတစ်​သံက အက်​ကွဲစွာ လှမ်း​ခေါ်သည်​။ သို့​သော်...​

ကိုယ်​ မကြားမိပါ။

[6]

နေ့တိုင်း​နေ့တိုင်း ည​နေဆည်းဆာကို ကြုံရမယ်​။

ဆည်းဆာ​ကောင်းကင်​ကို ဖြတ်​သွားတဲ့ တိမ်​က​လေး​တွေလည်း ရှိ​နေတုန်းပဲ။ 

အဲသည်​ထဲက ည​နေခင်းကို အမြဲ​ငေးကြည့်​ရင်း ဖြတ်​သန်း​နေတဲ့ တိမ်​​လေးတစ်​စလည်း ​ရင်​ကွဲပက်​လက်​နဲ့ ​ကြေကွဲ​နေတတ်​တုန်းပဲ။ 

ည​နေခင်းရယ်​၊ ဆည်းဆာရယ်​၊ တိမ်​​လေးတစ်​စရယ်​ ... 

ပြောစမ်းပါ... ဘယ်​သူက ဘယ်​သူ့​ကြောင့်​ ​ကြေကွဲ​နေရတာလဲ။ 

ဆည်းဆာ​ကြောင့်​ ည​နေခင်းက ​ကြေကွဲရတာလား။

ည​နေခင်း​ကြောင့်​ အဖြူ​ရောင်​တိမ်​က​လေး နာကျင်​မှုအ​ရောင်​​တွေစွန်းထင်း​ကြေကွဲခဲ့ရတာလား။ 

ဒါမှမဟုတ်​ ဆည်းဆာဟာ ကိုယ်​ကိုယ်​တိုင်​အတွက်​​ရော၊ ည​နေခင်းနဲ့တိမ်​​တွေအတွက်​​ရော ဗီလိန်​တစ်​​ယောက်​လိုမျိုး တစ်​ချိန်​လုံး ခံစား​ကြေကွဲ​နေခဲ့ရ​သလား ... ဆိုတာ။      ။

`​လေပြည်​ချမ်းချမ်း´

11:14 PM/ 2016/ Jan 31^st/ Sun.

ရတီမဂ္ဂဇင်း၊  သြဂုတ်လ၊ ၂၀၁၆။