Chit Chin Char Eain Mat Hman Nayan Myar

တိမ်တွေခြေရင်းမှာ 

အိပ်မက်ကြိုးတွေ ချည်ထားတယ်။

မြေပြင်မှာ လူငယ်လေးတစ်ယောက်

ဖိနပ်ကြိုးတွေ ချည် … လို့ ။

အတိတ်စိမ်းစိမ်းမှာ

ရင်ဘတ်ပေါ်ဖြတ်လျှောက်သွားတဲ့ခြေရာတွေ

ကတ္တရာလမ်းမတစ်ခုလို

သူ ပျော်ပျော်နင်းဖြတ်သွားတယ် . . . ။

ခခယယ ကမ်းလင့်နေတဲ့လက်ထက် 

ကျောခိုင်းထားတဲ့ရင်ဘတ်ကို လွမ်းနေတတ်တာမျိုး

အလွယ်​ဖတ်လို့ရတဲ့ကဗျာကို သီချင်းတစ်ပုဒ်လောက်

အလေးအနက် မခံစားတတ်တာမျိုး ။

တစ်ယောက်ကိုတစ်ယောက် မမှိတ်မသုန်ငေးပြီး

တစ်လှမ်းချင်းတစ်လှမ်းချင်း နောက်ပြန်ဆုတ်ကြတာပေါ့

တရွေ့ရွေ့ဝေး တမြေ့မြေ့ဆွေး ကာရံတွေက လှည့်စားတတ်တယ်လို့ 

ကိုယ့်ကိုကိုယ် ယုံကြည်လာတဲ့ထိ အိပ်မက်တွေကို အဖော်ပြုမယ် ။

ကိုယ်ကြိုက်သလို အိပ်မက်တွေကို

အိပ်မပျော်ခင် စီစဉ်ညွှန်ကြားလို့ရမှာလား …

‘အိပ်မက်’ ဆိုတာ ‘အချစ်​’လိုပဲ

တံခါးတွေ ဓါးတွေ မကြောက်တတ်ဘူး ကြားတယ် ။

အညွှန်းတပ်မထားတဲ့ အိပ်မက်တွေနဲ့

ခက်ခက်ခဲခဲ အမှောင်တွေစားသုံးပြီး
မနက်ခင်းတစ်ခု

လေပြည်ထဲမှာ အသစ်ချိတ်ဆွဲတဲ့အခါ ...။
                                                      

ဟော … ထုံးစံအတိုင်း 

အိပ်မက်က လမ်းလျှောက်ထွက်သွားပြီ

အချစ်မှာတော့ 

ခုထက်ထိ လိပ်စာကဒ် မရှိသေးဘူး ။        ။

#လေပြည်ချမ်းချမ်း 

June16th /6:27 pm/ 2014/Monday!