•[ ကောက်ကြောင်းများအကြောင်း
(သို့မဟုတ်)
ကမ္ဘာကြီးရဲ့သမိုင်း
]•
မိုက်ရူးရဲဆန်မှုတွေက
ချိုမြိန်ပါတယ်
အသိတရားကတော့
ခါးတယ်
ဒါဟာ ဘာကြောင့်
ပျားရည်တုတွေ
လူကြိုက်များနေရတယ်ဆိုတဲ့အကြောင်း
မျက်စိဒေါက်ထောက်
ကြည့်နေသူတွေကြားမှာ
ခေါင်းလေးတစ်ချက်တော့
မော့ပါရစေကွယ်
ခက်တာ....
ငါဟာ
အစကတည်းက
မျက်လွှာချထားခဲ့တာ
မဟုတ်ဘူး
ခေါင်းငုံ့ထားခဲ့တာ
မဟုတ်ဘူး
မုန်တိုင်းကို
ကြို လင့်လို့
ဒီမိုးရာသီထဲ
ကိုယ့်ရပ်တည်ချက်နဲ့ကိုယ်
ရဲရဲဖြတ်လျှောက်ခဲ့သူပေါ့
အမှန်တရားကို
ဝိုင်းတိုက်တဲ့မိုးခါးရေ
အဆိပ်သင့်တဲ့တစ်နေ့
ဒီကမ္ဘာကြီး
နှလုံးသားသစ်နဲ့
ပိုစိမ်းမြရှင်းသန့်လာလိမ့်မယ်
ဒီနေ့ လူတွေရဲ့
နှလုံးသားထဲ
သင် ထပ်ပြီး
.... အမှိုက်မပစ်ပါနဲ့ ။
"လေပြည်ချမ်းချမ်း"
Comments
Post a Comment