To Value Yourself

• [To Value Yourself ] •

💭

လမ်းပေါ်မှာ ကျောက်ခဲတွေ့တယ်
လှမ်းကန်ကစားလိုက်တယ်
ကလေးဆန်ဆန်ပေါ့
ဖိနပ်ဆိုဒ်ကြီးလာတဲ့အခါ ဆူးငြောင့်ခလုတ်၊ ကျောက်ခဲတွေကို ဝင်မတိုက်တော့ဘူး
ရှောင်သွားတယ် ကျော်ခွသွားတယ်
ကိုယ့်ဖိနပ်ကတစ်သက်လုံးစီးမယ့်ဖိနပ်လေ
တန်ဖိုးကြီးတယ်.... ။

#လေပြည်ချမ်းချမ်း

❤
20:58 PM/ Feb 18th/ 2018/ Sunday.
www.laypyaychanchan.blogspot.com

Comments

" မျက်နှာဖုံး "

" မျက်နှာဖုံး " ဟန်ဆောင်မျက်နှာဖုံးတွေအောက်က အပြုံးတုတွေကို မုန်းတယ် အပြုံးဆိုတာ … သန့်စင်မှ တန်ဖိုးမြင့်တတ်တာမျိုး … ။ ထောင်မြင်ရာစွန့်ခြင်းမျိုး ၊ လိုချင်တာရဖို့ … သိက္ခာကို ထိုးကျွေးခြင်းမျိုး အကျွမ်းမ၀င်တတ်ခဲ့ဘူး … ။ လူထဲက လူ မဖြစ်ချင်ဘူး ။ အပေါင်း၊ အနုတ်၊ အမြှောက်၊ အစား အကြံအစည်များတဲ့ စိတ်ဓါတ်တွေ ဥပေက္ခာတရားကို လာ..လာဆွတတ်လွန်းလို့ ။ အိပ်မက်အတိုင်း ..လမ်းလျှောက်ခဲ့သူ တစ်ယောက်တည်းလည်း တောက်ပရဲတယ် ။ နှုတ်ခမ်းမှာ ဆေးသကြားတွေ သုတ်လိမ်းပြီးမှ စိတ်ဓါတ်ကို အဆိပ်လာလာမခတ်ပါနဲ့... ။ အရိုးသားဆုံးစိတ်မှာ အနံ့ဆိုးတွေနဲ့ မလှောင်အိုက်ချင်လို့ နှလုံးအိမ်ရဲ့ ပြတင်းတံခါးမှာ ဥပေက္ခာတရား အမြဲတမ်း လွှတ်တင်ထားပါတယ် ။ ။ “လေပြည်ချမ်းချမ်း” [ August 2012, ကလျာ မဂ္ဂဇင်း ]

ရနံ့ကုထုံး

`ရနံ့ကုထုံး´ နို့ဆီများသောကော်ဖီရောင်ညနေခင်းသည် ခပ်နောက်နောက်ဝါကျင်နေသည်။ တဖြူးဖြူးလွင့်ခတ်လာသောလေပြည်ညင်းကြောင့်သာ အေးမြမှုနှင့်အနည်းငယ်ကြည်စင်လာ၏။ သေချာပေါက် တိမ်အုပ်ဆိုင်းသောညနေခင်းနောက်မှ ချောင်းကြည့်နေသောဆည်းဆာနေသည် မိုးကောင်းကင်ကို လဲ့လဲ့လေးဖြာ၍ နံ့သာရောင်ခပ်မှုန်မှုန်ဝင်းနေစေသည်။ မိုးနေ့၏အလယ်ခေါင်တည့်တည့်မှာ ကမ္ဘာမြေနှင့်အတူ ညနေရီထောင့်ချိုးတစ်ခုကို ချိုးဝင်ခဲ့သည့်မျဉ်းဖြောင့်တစ်ကြောင်းသည် ကျွန်မဖြစ်သည်။ `အို လေညင်း ... ဆွေးဖျမှုတွေ ငါ့ဆီသယ်ဆောင်မလာနဲ့ကွယ်။ ငါက ခုမှ ပျော်ကာစ ညနေထဲခြေချရုံရှိသေးတယ်။´ ဘာကို လွမ်းမှန်းမသိ။ ဘာကို တမ်းတမိလို့ အာရုံတွေ ဆွေးဖျမှုန်ရီသည်မသိ။ ခံစားသ်ိဖြင့် သူမစိတ်တွေအုံ့မှိုင်း သွား၏ ။ အသိစိတ်က ကြည်စင်ပြာလွင်နေပါလျက် ညနေခင်းကိုယ်တိုင် ဆွေးမြေ့နေကာ အဆွေးစီးကြောင်းတစ်ခု သယ်ဆောင်လျက် ကျွန်မကိုဖြတ်တိုက်သွားလေသည်။ သို့သော် ကျွန်မကြာမကြာ သတိရမိသော ငယ်ဘဝကဲ့သို့ ဆွေးမြေ့ဖွယ်လှပသည့်အတိတ်ကို ပြန်လှည့်ြ...

`လက်ဆောင်´

ကမ္ဘာပေါ်မှာရှိတဲ့ ပျော်ရွှင်ခြင်းတွေ၊ စိတ်ချမ်းမြေ့မှုတွေ၊ မေတ္တာတရားတွေနဲ့ အဲဒါတွေကို ထာဝရတည်မြဲစေမယ့် `သစ္စာတရား´၊ ဒါတွေကို ဖဲကြိုးလှလှလေးနဲ့ ထုပ်ပိုးချည်နှောင်ပြီးပေးခဲ့တယ် ... သူ ... လက်ခံယူနိုင်လေမည်လား မသိ ။ `လေပြည်ချမ်းချမ်း´

Laypyaychanchan Poems

Search This Blog