Lovers' Definition

“ဖေဖေါ်ဝါရီ (၁၄)ရက် …”
ကမ္ဘာပေါ်မှာ “မစ္စတာဗယ်လင်တိုင်း”ဆိုတဲ့ ချစ်သူတိုင်းကို ပျော်ရွှင်စေချင်တဲ့၊ ပျော်ရွှင်စေဖို့ ကူညီပေးတတ်တဲ့ပုဂ္ဂိုလ်ကြီးကို အထိမ်းအမှတ်ပြုပြီး သတ်မှတ်ခဲ့တဲ့နေ့လေးတစ်နေ့ ။
ရိုးရိုးလေးတွေးကြည့်ရင် “ချစ်သူများနေ့” ဆိုတာ ချစ်သူတွေအတွက် သီးသန့်အလေးအမြတ်ပြုထားတဲ့ အထိမ်းအမှတ် နေ့လေးတစ်နေ့ပဲလို့ နားလည်မိတယ်။
“ချစ်သူတွေ” ဆိုတာ ဘယ်လိုလူမျိုးတွေကို ခေါ်ကြတာလဲ။
သူတို့ကြားက ပတ်သက်မှုက ဘယ်လိုများလဲ …။
ကဲ … ဒီကမ္ဘာပေါ်က “ချစ်သူတွေ”  ဆိုတဲ့လူတန်းစားတစ်ရပ်အကြောင်း တွေးကြည့်ကြရအောင်။

♦●~♥♥♥ ♦ ♥♥♥♦ ♥♥♥ ♦ ♥♥♥ ♦ ♥♥♥ ♦ ♥♥♥ ♦ ♥♥♥~●♦

 “ ချစ်သူတွေ” ဆိုတာ …
၁.) တစ်ယောက်နဲ့တစ်ယောက် စိတ်နှလုံးချင်း အနီးစပ်ဆုံးလူသားနှစ်ဦးဖြစ်တယ်။
၂.) ကမ္ဘာပေါ်က အခြားသူစိမ်းလူတွေအားလုံးထက် တစ်ယောက်နဲ့တစ်ယောက် ပိုသက်ဆိုင်တဲ့သူတွေ ဖြစ်တယ်။
၃.) တစ်ယောက်အပေါ်တစ်ယောက် ရင်းနှီးမှုရှိပြီး နားလည်မှုအပြည့်ဝဆုံးသူတွေဖြစ်တယ်။
၎.) တစ်ယောက်ရဲ့ ချို့ယွင်းချက်အပေါ် အခြားသူတွေလိုမဟုတ်ဘဲ အဲဒီချို့ယွင်းချက်ကို သူ့ရဲ့ ထူးခြားချက် အဖြစ်ေ တွးပြီး နှစ်သက်လက်ခံတတ်တဲ့သူတွေ ဖြစ်တယ်။
၅.) တစ်ယောက်အကြိုက်ကို နောက်တစ်ယောက်က နှစ်လိုတဲ့စိတ်နဲ့ လိုက်ပါမြတ်နိုးတတ်သူတွေ ဖြစ်တယ်။
၆.) တစ်ယောက်ရဲ့အကျိုးကို တစ်ယောက်ကအမြဲတမ်းလိုလားတတ်ပြီး သူ့ကိစ္စတွေကို လိုက်လံစိုးရိမ်ပူပန်ပေးတတ်သူတွေ ဖြစ်တယ်။
၇.) နေ့ရက်တွေတိုင်း တစ်ယောက်စိတ်ထဲ တစ်ယောက် လိုက်ပါရှင်သန်နေပြီး ဘာလုပ်လုပ် အချိန်တိုင်း တစ်ယောက်အကြောင်းတစ်ယောက်တွေးရင်း ရွှင်ပြတဲ့စိတ်နဲ့ အမြဲတစိမ့်စိမ့်ကြည်နူုးနေတတ်တဲ့သူတွေ ဖြစ်တယ်။
၈.) တစ်ယောက်အကြိုက်တစ်ယောက် မျှတွေးပေးတတ်ပြီး အကြိုက်ချင်းမတူတဲ့ကိစ္စတွေမှာတောင် တစ်ယောက်အကြိုက်ကိုတစ်ယောက် အလိုလိုသည်းခံစိတ်နဲ့ ဝေမျှလက်ခံယူပေးတတ်သူတွေဖြစ်တယ်။
၉.) တစ်ယောက်ဘ၀မှာ အခက်အခဲတွေကြုံလာတဲ့အခါ ကိုယ့်ရှေ့ကနေ ရှောင်ပုန်းပျောက်ကွယ်သွားဖို့ ခွင့်မပြုဘဲ … သူ့နံဘေးမှာ လက်ချင်းထွေးဆုပ်လို့ ရဲရဲရင်ဆိုင်ဖို့ အသင့်ရှိနေတဲ့သူတွေ ဖြစ်တယ်။
၁၀.) ဘယ်သူဘာပြောပြော ဘေးအထင်အမြင်စကားတွေထက် တစ်ယောက်ကိုတစ်ယောက် ပိုသိနားလည်ပြီး ပိုယုံကြည်တဲ့သူတွေဖြစ်တယ် ။
၁၁.) ဘ၀မှာ ရည်မှန်းချက်တွေမတူတောင် အချင်းချင်းအားပေးကူညီတတ်ပြီး တစ်ယောက်အပေါ်တစ်ယောက် ခွန်အားတွေ ဖြည့်ပေးတတ်သူတွေဖြစ်တယ်။
၁၂.) ပျော်ရွှင်စရာတွေ ကြုံလာလာ၊ ၀မ်းနည်းစရာတွေ ကြုံလာလာ ဘ၀ဟာ နှစ်ယောက်သားအတူတူရှိမှ ပိုပြည့်စုံတယ်လို့ ခံယူထားကြတဲ့သူတွေဖြစ်တယ်။
၁၃.) ရှေ့ဆက်ပြီးလျှောက်ရမယ့် ဘ၀ခရီးလမ်းမှာ ဘာတွေပဲကြုံလာလာ ဘယ်တော့မှတွဲပြီးသားလက်တွေ ကွဲကွာပြတ်တောက်သွားဖို့မရှိဘဲ တစ်သက်စာ ချစ်ခင်မြတ်နိုးမှုခိုင်ကျည်လေးနက်တဲ့သူတွေဖြစ်တယ်။
၁၄.) နှစ်ယောက်သား မျက်လုံးချင်းဆုံရုံနဲ့ စိတ်ချမ်းမြေ့ဖွယ်ကောင်းတဲ့၊ အဓိပ္ပါယ်ပြည့်ဝတဲ့ ကမ္ဘာတစ်ခုကို တည်ဆောက်နိုင်တဲ့သူတွေဖြစ်တယ်။
၁၅.) တကယ်ဆိုတော့ “ချစ်သူတွေ” ဆိုတာ အသည်းနှလုံးတစ်ခုတည်းနဲ့ အသက်ရှင်တဲ့ ဒီကမ္ဘာလောကကြီးပေါ်က အပျော်ရွှင်ဆုံးလူသားနှစ်ဦးဖြစ်တယ် … ။

သူငယ်ချင်းများအားလုံး “ချစ်သူ” တွေ ရှာတွေ့ကြပါစေ။ သဘောထားတူညီတဲ့ အချက်ကလေးတွေကို ကျေးဇူးပြုပြီး ကွန်မန့်ရေးပေးခဲ့ပါ။ နောက်ထပ်စဉ်းစားမိတဲ့ဖြည့်စွက်ချက်လေးတွေ ရှိရင်လည်း ကွန်မန့်ဘောက်စ်မှာ အားလုံးဖတ်ရအောင် လူတိုင်းရေးသားနိုင်ပါတယ်။
ပျော်ရွှင်စရာ 2014 ရဲ့ ဖေဖေါ်ဝါရီ (14) ချစ်သူများနေ့လေး ဖြစ်ပါစေရှင် … ။   ။

“လေပြည်ချမ်းချမ်း”