"* ကာရံ မညီတဲ့ဆောင်း "*

 

"* ကာရံ မညီတဲ့ဆောင်း "*

ခံစားချက်တွေကို

ဓါးစာခံလုပ်ပြီး ..

ကိုယ့်ရင်ဘတ်ကိုယ်

မီးတင်ရှို့ဖြစ်ခဲ့တဲ့ …

သစ်ရွက်ကြွေ .. ဆောင်းဦးညချမ်းတွေပါ ။

အခု… တော့

အရိုးရင့် ဒီဇင်ဘာ ။

(ညတွေ)

အအေးဓါတ် ဘယ်လောက် သိပ်သည်းသည်း

အလွမ်းတွေ …

အလျှံတငြီးငြီးတောက် … လို့ ။

ငါ့နှလုံးသားလေး …

မီးခိုးငွေ့တွေ ရှုရှိုက်နေရတုန်းပဲ ။

မွန်းကြပ်နေတဲ့ .. မျှော်လင့်ချက်ကို

ကောက်ရိုးတစ်မျှင်လို ..

မက်မက်မောမော

ဖမ်းဆုပ်ထားမိ … ဆဲ ။

မင်း … ငါ့ကို ဘယ်တော့မှ

အောက်ဆီဂျင် ပေး ... မှာလဲ ။ ။

20 December 2011
 “ လေပြည်ချမ်းချမ်း ”