'' ဒိုင်ယာရီ "

 

'' ဒိုင်ယာရီ "


ပဟေဠိတစ်ခုလို …
ငါ့ကိုယ်ငါ ဖွက်ထားလို့ရတဲ့ နေရာ ။

ဘ၀ရဲ့မှတ်တိုင် တစ်ခုချင်းစီအတွက်
ခံစားချက်တွေ ….
စနစ်တကျ မြှုပ်နှံထားတဲ့ နေရာ ။

သတိရတိုင်း ပြန်လည်ဆွဲသီဖို့
အမှတ်တရတွေ
တမြတ်တနိုး သီကုံးထားတဲ့ နေရာ ။

ထိခိုက် အနာတရဖြစ်တိုင်း
နုနယ်လှတဲ့နှလုံးသားကို ဆေးထည့်ဖို့
အနာကျက်ဆေး အဆိုအမိန့်တွေ
သိမ်းဆည်း သိုမှီးထားတဲ့ နေရာ … ။

အဲဒီမှာ ….
လှုပ်ခတ် ပျော်ရွှင်ခဲ့ခြင်း …. တွေ ရှိတယ် ။
နာကျင်ထိရှ လွယ်တတ်ခဲ့မှု …. တွေ ရှိတယ် ။
မစိမ်းလန်းခဲ့တဲ့ မျှော်လင့်ချက်တစ်ချို့ …. ရှိတယ် ။
လတ်ဆတ်ချိုမြဆဲ အိပ်မက်တွေ …. ရှိတယ် ။
တစ်ခါက ... တိုက်ဆိုင်မှုသက်သက် ….
အပြုံးတွေ .. ရှိခဲ့တယ် ။
စနစ်တကျ လမ်းကြုံတဲ့ ….
အမှတ်တရတွေ … ရှိခဲ့တယ် ။
ရင်ထဲမှာ ခုချိန်ထိ သိမ်းထားဖြစ်တဲ့ …
မျက်နှာရိပ်တစ်ခု … ရှိခဲ့တယ် ။

အဲဒီနေရာ …. မှာ
ငါ့ထက်ပိုပြီး စစ်မှန်တဲ့ …
ငါကိုယ်တိုင် …. ရှိခဲ့တယ် ။

ငါ့ခံစားချက်တွေအတွက် ..
အခွန်ဆောင်ဖို့မလိုတဲ့ ၊
ကမ္ဘာမြေပေါ် .. က
ကိုယ့်စိတ်ကြိုက် အခင်းအကျင်းနဲ့ ..၊
ကိုယ်ပိုင်တဲ့ … ကိုယ့်နေရာ တစ်ခုပါ။

စကားလုံးတွေ စွန်းထင်းနေတဲ့ ၊
ပန်းပွင့်တွေလို အရောင်စုံတဲ့ ခံစားမှုတွေ … ဟာ
အဲဒီနေရာ … မှာပဲ
လွတ်လပ်စွာ ဖြန့်ကျဲ ကခုန် … လို့ ။ ။

  “လေပြည်ချမ်းချမ်း”

10 January 2012