" Modern Joker "

 

" Modern Joker "


ဒီပုစ္ဆာတစ်ပုဒ်ကို
ထပ်တလဲလဲတွက်ချက်အဖြေထုတ်ရင်း
ငါ့ရဲ့ အဖြေလွှာစာရွက်မှာ

အနီရောင်ကြက်ခြေခတ်တွေပဲ ..
ထပ်တိုးလာတယ် ။

ပေးထားချက်က …
“ အချစ် ” ဆိုရင်
ညီမျှခြင်းရဲ့ တစ်ဖက်မှာ
ရင်ခုန်သံ တွေကို …
ငါက .. ဖြည့်စွက်တယ် ။

ပေးထားချက်က …
“ အလွမ်း ” ဆိုရင်
ညီမျှခြင်းရဲ့ တစ်ဖက်မှာ
ခါးသီးတဲ့မျက်ရည်စက်တွေကို
ငါက .. ဖြည့်စွက်တယ် ။


ပေးထားချက်က …
“အပြုံး ” ဆိုရင်
ညီမျှခြင်းရဲ့ တစ်ဖက်မှာ
ကြည်နူးဆွတ်ပျံ့ခြင်းတွေကို
ငါက .. ဖြည့်စွက်တယ် ။


ပေးထားချက်က …
“ အမုန်း ”ဆိုရင်
ညီမျှခြင်းရဲ့ တစ်ဖက်မှာ
နားလည်မှု ပြတ်လပ်ခြင်း ကို
ငါက … ဖြည့်စွက်တယ် ။

ပေးထားချက် အရပဲ …
ငါလည်း တွက်ခဲ့တာပါ …၊
အဖြေမမှန်တာဟာ
စစ်သူနဲ့ရော …. ဆိုင်နေနိုင်သလား ။

ငါ့ဘက်ကသာ
မေးခွန်းထုတ်ခွင့်ရရင်
မင်းအဖြေလွှာဟာ
Credit ဖြစ်မှာသေချာပါတယ် ... ။

ပြောင်းလဲခြင်းတွေ
မရပ်တန့်နိုင်တဲ့
21 ဆိုတဲ့ ရာစုကိန်းဂဏန်းမှာ
R & B တွေ ပိုမြူးကြွလာသလို
K-Pop ကလည်း ပြုစားတယ် ။

ငါလည်း … အသည်းကွဲလို့
ဂျိုကာတစ်ကောင်
ဖြစ်သွားရင် … (သင် …)
သိပ် အံ့သြမသွားပါနဲ့ …။

ငိုနေတာထက်
ပြုံးနေတာက ပိုကောင်းသလို …
လွဲချော်ခြင်းတွေအတွက် …
အတိတ်မေ့ပစ်လိုက်တာ ..
အကောင်းဆုံးပါ ..ပဲ ။

ဒါပေမယ့် …
ဒီ ခေတ်သစ်ဂျိုကာဟာ
မိုးရေထဲ လမ်းလျှောက်ရတာကိုတော့ …
အင်မတန် နှစ်သက်ပါသတဲ့ …. ။ ။

“ လေပြည်ချမ်းချမ်း ”
April 10th, 2012 !
3:48 pm ; Tuesday !