" မေ့ဆေး "

 

" မေ့ဆေး "


အချစ် ဟာ ...
ပုပ်အက်လွယ်တဲ့ သစ်သီးတစ်လုံး
ဖြစ်နေခဲ့မယ် ဆိုရင် …

တစ်ချိန်ချိန်မှာတော့
စွန့်ပစ်ထားခဲ့ရမှာပေါ့ … ။

ကမ္ဘာပေါ်မှာ
သစ်ပင်တွေ ရှိနေသေးသရွေ့၊
တစ်သက်တာလုံး မွှေးပျံ့သွားမယ့်
သစ်သီးတစ်လုံးကို …
ရွေးချယ် ဆွတ်ခူးဖို့ …
တတ်နိုင်ပါလိမ့်မယ် ။

ဘ၀ … ကို
ဘောင်ခတ်မထားမှ
ရှေ့ဆက်လျှောက်ဖို့
လမ်းကို … တွေ့ရမယ် ။

အတိတ် ဆိုတာ
ဒဏ်ရာဆိုတဲ့ အင်္ကျီတစ်ထည် ဖြစ်ခဲ့ရင်
ဘာကြောင့်များ အနာခံပြီး
ဆက်ဝတ်နေရဦးမလဲ … ။

အလွမ်းဆိုတာ …
တိမ်တွေလိုပဲ ဝေးလေ လွင့်လေ ၊
အနာဆိုတာလည်း ..
ပျောက်ကာနီးလေ ပိုခံရခက်လေ … ။

တစ်နေ့တော့
ဆဲလ်အသစ်နဲ့ အသားမာတက်သွားရင်
ဘ၀ဆိုတာမျိုးက …
သူ့အလိုလို ...
နေပျော်ကျေနပ်သွားလိမ့်မယ် ။

ထင်ကျန်ရစ်ခဲ့တဲ့
အမာရွတ် … တဲ့လား ။
ဒါတော့ … တစ်သက်စာ
အမှတ်တရ ပေါ့ ။

မရှည်လျားတဲ့
ဘ၀ရဲ့ အခိုက်အတန့်များမှာ …
ပြန်လှည့်ကြည့်ဖို့မလိုတော့တဲ့
ခြေရာတွေကို … ဒီအတိုင်းထားခဲ့ ၊
ပေါ့ပေါ့ပါးပါးပဲ ...
ဆက်လျှောက်သွားမယ် … ။ ။

 

“ လေပြည်ချမ်းချမ်း ”
June 15th, 2012
12:49 am : Friday !